Ang Gahum ni Elon

(Nestor Molina)

Usa sa matawag nga ngilngig sa pintuyan sa unang panahon. Usa ka kusgan nga tawo. Gi-ila nga mubawog ug mubakos ug bara.

Ang last nga gibinlan ni Elon sa iyang gahum mao si Tibor  u Tiborcio. Naundang ang pagpasa sa maong gahum sa dihang namatay ang apuhan ni Tibor nga mau si Amang nga anak ni Elon kung diin gikan ang gahum ni Tibor. Ang maong gahum wala na napasa ni Tibor tungud kay ang maong gahum usa sa hinungdan nganong namatay si Amang. Ang mga apo ni Elon nangasuku ni Tibor kay ang maung gahum gikan kini ni Elon piru naunay ra ang anak ni Elon nga mau si Amang.

Ang hinungdan sa pagkamatay ni Amang tungud kay kani si Tibor mauy muhatag ug yamyam sa pukut ni Alo aron daghan ug kuha nga isda. Pero si Tibor muyamyam sa pukut ni Alo nga adunay baylu. Ang baylu mau ang kinabuhi sa tawu. Sa dili pa mu yamaym si Tibor sa pukut ni Alo papiliun una ni Tibor si Alo kung kinsay ibaylu. Tulu na ka kinabuhi ang nakalas nga mauy baylu sa yamyam ni Tibor sa pukut ni Alo. Ikatulu ug last nga Nawala mau ang apuhan ni Tibor nga si Amang. Kay kini si Amang kanunay naa sa lawud mau kini gitudlu ni Alo nga baylu sa yamyam ni Tibor sa iyang pukut. Si Amang Nawala ra sa lawud nga wala na kit-i hangtud karun. Mau tung nangasuku ang anak ni Tibor apil iyang inahan kay naunay ra ilang kaliwat sa maung gahum. Usa ka simana si Tibor nagsigi ug hilak mau tung gitulun na lang niya ang maung gahum. Kay kung ibilin pa basin unya ug naa nasay kinabuhi makalas.

Kini si Tibor usa sad ka kusgan nga tawu sama ni Elon. Makigpusta ni siya ug usa ka gallon tuba ug kinsa makaalsa niya. Gamay nga tawu piru dili maalsa ug bisan pag duha ka tawu. Ang gahum ni Tibor lain lain sama sa makakita ug dili sama sa mga tawu, manambal ug kusgan.