The Mysteries of the Sea
Ched Grant Project - Southern Leyte Folk Literature Collection Outputs
Ang mga mananagat gipangutana ug naa ba silay mga namatikdan nga kahibulungan samtang naa sila sa lawud. Ang usa ka mangingisda nitubag nga ug sija ra usa sa lawud, makadungug sija ug mga tingug sa kabaw, iring ug naa pud mukalit ug singgit sa imu pangan pisan ug sija rang usa.
Naa pud sijay madunggan nga mutaghuy ug manitsit. Matud pa sa mananagat, daghan na ang mga nangalunud sa lawud maung usahay mangumidya na sila sa mga naa sa lawud. Naa ray mukalit ug singgit maung makalingi kag kalit.
Niingun pud ag usa ka mananagat nga usahay naa ra pud na sa imu utok kay ikaw ra man lage nag inusara, usahay ag atung mga madunggan naa ra sa atu utuk. Piru naa kunuy eng ana. Mga pagsuway, pagtiaw ug mahadlukun ba gajud ka. Ag buhatun ra gajud nimu kay mag ampu. Naa pud ning isturya nga ag ijang angkul niuban ug panagat unja dihay nitugpa nga daku kaajung langgam.
Nitubag ang mananagat nga daghan man jud lagi pud langgam sa lawud kay sigi pud sija ug katugpahan sa langgam. Usahay musilung na sila ug musuksuk sa suuk ug tugnawun. Ginganlan kunu na nila ug kanaway kanang langgam nga mutugpa sa ilang payaw.