Guadalupe, Maasin City History
Ched Grant Project - Southern Leyte Folk Literature Collection Outputs
Usa ka adlaw, dihay laki nisakay ug barko. Unya sa wa damha, nalunud ang barku ug sa dihang sa iyang pagtuu nga wa nay pag asa ug mamatay na sija diha dajun, nakakita sijag kahuy nga lapad.
Mau tung ija dajun giabajan ug sa pipila ka mga uras nahiadtu na sija sa daplin sa dagat ug naluwas.
Dakung pasalamat nija sa maung tabla kay mauy naka luwas sa ijang kinabuhi. Ija kini gihinluan ug sa ijang pag hinlu, nakita nija ang birhin sa Guadalupe ug sugud adtu, kung dis a sija gidala sa maung tabla, ang maung lugar gitawag na kini ug guadalupe.